Urriak 6: Fito Cabrales

Adolfo Cabrales Mato, “Fito”, Bilbon jaio zan 1966ko urriaren 6an.

Platero y tú taldeko abeslaria, gitarrajolea eta konpositorea izan da, eta gaur egun Fito & Fitipaldis taldeko liderra da.

Lehenengo taldean Rock & Roll estiloa landu eban baina Fito & Fitipaldis-en blues, jazz, country,…nahasketa nabaritzen da.

Hala ere, bere abestietako gaiak beti dira bardinak: gabaz girotutako istorio pertsonalak, tabernak, drogak eta amodioak agerturik.

Fitok abestuz gain, gitarra eta banjoa jotzen dauz.

Gaur egun Gernikan bizi da.


Urriak 5: Bob Geldof

Robert Frederick Zenon, “Bob” Geldof, Irlandan jaio zan 1951ko urriaren 5ean.

Abeslaria, konpositorea, aktorea eta aktibista politikoa da.

1975etik 1986ra The Boomtown Rats taldeko abeslari eta liderra izan zan, Ingalaterran salmentetako lehen postua birritan lortuz, “Rat Trap” eta “I don’t like mondays” abestiekaz, hain zuzen ere.

1982an  Pink Floid talde ingelesaren “The Wall” filmean parte hartu eban, protagonista moduan.

1985ean, hainbat kontzertu antolatu ebazan, Afrikako gosetearen aurka.

Ingalaterrako erreginak Sir izendatu eban 1986. urtean.

1992an, Freddy Mercury-ren oroimenez eskeinitako kontzertuan abestu eban.


Urriak 4: Francisco Guerrero

Egilea: Ander Bustinza

Francisco Guerrero 1528ko urriaren 4an jaio zan Sevillan, eta 1599ko azaroaren 8an hil zan.

Oso ospetsua da Errenazimendu sasoiko abestiak konposatzen ebazalako.

Bere oroimenez  kontserbatorio batek bere izena dauka. Sevillako katedraleko korura sartu zan eta hamazazpi urterekin Jaen-eko katedraleko maisu kapera izendatu eben. Geroago Malagako katedraleko maisu kapera ere izan zan, baina inoiz ez zan bertan bizitzera geratu.

Bidai asko egin zituen Espainia eta Portugaletik, eta Italian urte bete eman eban.

Hamazortzi meza idatzi dauz eta ehun eta berrogeita hamar obra liturjiko ere konposatu dauz.

Sasoi guztietako konpositore espainiar ospetsuenetarikoa da.


Urriak 3: Tommy Lee

Egilea: Joseba Bilbao

Thomas “Tommy” Lee Bass (1962ko urriak 3),  hard rock eta heavy metal-eko bateria da.

Bere ospea, Glam metaleko “Möntley Crüe” taldeko bateria izatetik dator.

Lee, Atenasen, (Grezian) jaio zen. Bera jaio ta urtebetera, familiarekin Californiara joan zen bizitzera.

Hasieran, bere musika talde gogokoenak Kiss, Aerosmith, Queen, Deep Purple, Led Zeppelin eta Judas Priest bezalako taldeak ziren.

Bere ibilbideko lehen emanaldiak Suite 19 taldearekin izan ziren. Une horretan Nikki Sixx baxu-jotzailea ezagutu zuen. Handik gutxira, Mick Mars gitarra eta Vince Neil abeslaria elkartu zitzaien Mötley Crüe taldea osatzeko.


Urriak 2: Sting

Egilea: Ander Beitia

Gordon Matthew Thomas Sumner, 1951ko urriaren 2an jaio zan, hegoaldeko Tyneside-n (Erresuma Batua).
Sting bezala ezagutzen da eta The Police taldeko abeslaria da.

Taldean, baxu bezala hasi zen eta gaur egun abeslaria eta baxujolea da.
Sting-ek ehun milioi disko baino gehiago saldu ditu, hamasei Grammy irabazi ditu eta Oscar sarietara nominatuta ere egon da, kanta hoberenara.

Hainbat musika estilo lantzen ditu: rock, pop reagge, jazz… besteak beste.
Bere diska batzuk The Police-egaz honeek dira: Ghost in the Machine , Zenyattá Mondatta, Synchronicity.
Bere diska batzuk bakarlari bezala honeek dira: The dream of blue turtles, Ten summoner’s tales, Brand new day.