Kiri Te Kanawa, soprano hedadurako opera abeslaria, Zelanda Barrian jaio zan 1944ko martxoaren 6an.

Mozart eta Strauss-en obren interpretatzaile adierazgarrienetarikoa da, baita Verdi, Haendel eta musika frantsesan ere.

80. hamarkadan ospe handia lortu eban, bere ahots eder eta itxura dotoreagaitik.

1981.ean, Galeseko printzearen ezkontzan, Haendel-en “Let the Bright Seraphim” aria abestu eban, 600 miloi ikus-entzuleren aurrean, gutxi gorabehera.

Hasiera batean mezzo-soprano moduan hasi ebazan ikasketak, baina geroago soprano bezala aritu zan.

2004ean opera abestea utzi eban, noizbehinka ekitaldiren bat eskeiniaz.

Bere herrialdeko abeslari gazteak sustatzeko, bere izena daroan erakundea sortu dau.