Jacques Offenbach, konpositore eta biolontxelista alemaniarra, Colonian jaio zan 1819ko ekainaren 20an, eta Parisen hil zan 1880ko urriaren 5ean.

Nahiz eta Alemanian jaio herritartasun frantziarra zeukan.

Opereta modernoaren eta komedia musikalaren sortzailea izan zan, eta XIX. mendeko eragin handienetariko musikagilea da.Biolontxeloa eta biolina ikasi ebazan, eta hamalau urtegaz Pariseko kontserbatoriora joan zan ikasketak sakontzera, Luigi Cherubiniren ikaslea izanik.

Hainbat orkestretan aritu zan biolontxelista bezala.

Bere konposizioen artean aipatzekoak dira operak eta operetak, eta “Hoffmannen ipuinak” izeneko obra.