O pasado 27 de novembro visitamos o Concello de Monfero para representar, dentro do programa "Espazo das familias" (antigo preescolar na casa), o noso espectáculo para bebés "O Quebranoces". 

Fixémolo nas instalacións do CPI Plurilingüe Virxe da Cela e contamos con numerosos rapaciños, xa que desta actividade, sufragada entre o concello de Monfero e a Deputación da Coruña, participan arredor dunha vintena de nenos e nenas de entre 0 e 3 anos. 

Moitas grazas ao Concello de Monfero por contar con nós para esta actividade de que gozamos un montón.