O vindeiro mércores, 15 de maio, gozaremos cun concerto do grupo de pandereteiras “Cinco en zocas”, no que toca a mamá de Vega e de Pedro.
Estamos desexando que chegue ese día!
Ímonos preparando vendo o seguinte vídeo.
MUSIKEANDO
Por fin chegou a primavera!
Para meternos de cheo nela traballaremos co poema "O maio", de Manuel Curros Enríquez, musicado por Luis Emilio Batallán.
Imos cumprir un desexo de Grotus, que na súa carta dicíanos que lle gustaría escoitar con nós a música do conto "Peer Gynt", e comezaremos escoitando a música chamada "A MAÑÁ".
Faremos diferentes xogos e tocaremos instrumentos acompañando á orquestra que vemos no vídeo.
Fai algunhas semanas apareceron no chan do colexio unhas extrañas pegadas.
Estaban no corredor do 1º piso e parecía que ían cara a clase de música.
Ao cabo duns días apareceron uns sobres pegados nas cadeiras da aula de música, con diferentes pistas.
Abrimos os sobres, seguimos as pistas e atopamos diferentes cousas por todo o colexio.
Todo era moi interesante e dimos diferentes ideas sobre quen era ese personaxe tan extraño, pero non chegamos a ningunha conclusión.
Cando fumos a clase música a seguinte semana, apareceu unha mensaxe misteriosa.
Abrímola e vimos que era unha carta que nos mandaba un troll chamado Grotus, que quería xogar connosco.
Grotus explicábanos todo na súa carta!
Pois... xogaremos con el! escoitaremos a música da que nos fala e aprenderemos moitas cousas sobre a historia de "Peer Gynt".
O día 30 de xaneiro celébrase, nos centros educativos, o Día da Paz.
Ese día conmemórase o aniversario da morte de Mahatma Ghandi, que foi un líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.
Nós, cantaremos a canción “Los niños queremos la paz” para celebrar un día tan importante.
