Archivo del Autor: MUSIKEANDO

CHEGA A PRIMAVERA!

Publicado el por

Xa quedan poucas horas para o esperado cambio de estación. Pasaremos do inverno á primavera, que boa falta fai porque xa estamos un pouco cansos do frio e da choiva.

O compositor que mellor reflectiu as sensacións que se viven nas diferentes estacións do ano foi o supercoñecido e archifamoso Antonio Vivaldi, co que xa traballamos ao principio de curso cando chegou o outono.


Lembrade que a súa obra máis famosa é "As catro estacións".

Meterémonos de cheo no 1º movemento da "Primavera" e gozaremos coa música de Vivaldi.

Empezaremos vendo diferentes vídeos para familiarizarnos coa obra.








E agora veremos unha versión rockera da obra de Vivaldi. TODOS A CANTAR E A BAILAR!




QUE MARCHA!!!


APRENDIZAXE COOPERATIVA

Publicado el por
Durante este curso estou levando a cabo algunhas estruturas de aprendizaxe cooperativa.

Estas dinámicas de traballo favorecen a interacción positiva entre os alumnos xa que deben traballar xuntos, axudarse entre eles e aprender uns dos outros

En este segundo trimestre os alumnos de 5º e 6º estiveron facendo ditados rítmicos utilizando a estrutura de "folio xiratorio".

O alumnado está distribuido en grupos e dentro de cada grupo cada alumno ten que escribir un compás cunhas determinadas características. Os demais membros do grupo deben dicir se o compás é correcto e por tanto pode escribirse no folio do equipo. Mentres tanto o folio non poderá pasar ao seguinte membro do grupo. Cando os equipos rematan cada alumno debe ditar o compás que escribeu aos compañeiros dos outros grupos.





TOCAMOS RITMOS E MELODÍAS!

Publicado el por

Os nenos de 2º estiveron experimentando coas negras e coas brancas e compuxeron diferentes ritmos utilizando estas figuras musicais.

Para rematar a actividade cada clase construiu un ritmo xigante que todos tocaron.

Quedou moi chulo!



Despois de xogar cos ritmos traballamos con un dos instrumentos favoritos dos nenos, as campás afinadas, para poder construir melodías.

Estiveron distribuidos en dous grupos e combinando figuras e notas musicais conseguiron unhas melodías moi bonitas.




XOGANDO NO PENTAGRAMA!

Publicado el por

Durante esta semana os nenos de 1º achegáronse á linguaxe musical convencional cun xogo no pentagrama do chan.

O xigantesco pentagrama que ocupa á aula de música converteuse nun circuito con obstáculos que os nenos tiñan que superar para chegar dende a "saída" ata a "meta".

Tiveron que andar, brincar, correr, reptar, e ata saltar á pata coxa  entre liñas e espazos para conseguir o seu obxectivo.

Está claro que despois de facer o xogo todos os nenos móvense entre as 5 liñas e os 4 espazos do pentagrama como se estiveran na súa casa.

O premio, se conseguían chegar a meta, era tocar unha improvisación utilizando o metalófono contralto, e todos o fixeron moi ben.

Noraboa chicos!

Vexamos a eses artistas!