Eduplaneta Musical

Etiqueta: HH

  • Orff-enea

    Musika tresnen inguruko ikastaroa egiten ari naiz, eta Antton Jauregirekin armonika eta Orff musika tresnak lantzeko aukera euki dut. Armonika jada aurten hasi gara lantzen, eta oso gustora gainera.
    Baina Orff instrumentazioa, “orkestra” moduan oso gutxitan erabili izan dut, besteak beste, gure musika saioak hain laburrak eta eskasak izanda, beste gauzetan sakontzea nahiago izan dudalako. 
    Anttonek, berak nola lantzen duen erakutsi digu, beti bezala eta niri gustatzen zaidan moduan era plaktikoan, alegia jotzen. Eta orain “argia” ikusten hasi naiz, beraz, ikasturte honetan hasteko berandu gabiz, baina hurrengorako landuko ditugu, ziur!
    Mila esker Antton egindako lanagatik.


  • Hankan inurri txiki bat daukat

    Egiten ari naizen ikastaroa bukatzear dago, eta gaur Iñaki, gure Herri Kulturako irakasle bikaina, ipuintxo batzuk kontatu dizkigu eta amaitzeko kanta bat irakatsi digu. Inurri bat erditik egonda animalien gaiarekin eginda dugun jolasean gehitu dut, ANIMALIEN IBILKERAn.
    Ikasiko dugu, ezta?

  • Chrome Music Lab

    Atzo, Clase de Música 2.0 blogan bitxikeri honekin topo egin nuen. 
    Musika, gehiago edo gutxiago, mundu guztiari gustatzen zaio. Horregatik, Chrome Music laben helburua, musika, era erraz batean, nola sortzen den jabetzea edo ohartzea da.
    Hau lortzeko hainbat esperimentu, batzuk oso interesgarriak, proposatzen dizkigute.
    Beldur barik hasi trasteatzen. 

  • Entzunaldienea

    Antton Jauregik, gure ENEAzale gogokoena, lan berria prestatu du. ENEA berri honetan entzunaldiak lantzeko aukera ematen digu. Aukera paregabea eta ugaria, non aukeratu badugu eta. Erabiliko dugu, bai! bitartean gozatu!.

    Hauek dira beste ENEAK:
    PENTAGRAMAENEA
    ARMONIKAENEA
    KARAOKENEA


  • Euri tanta

    Pixkanaka-pixkanaka gauzak prestatzen noa. Pirritx, Porrotx eta Marimototsek ateratako azkenengo diskan agertzen den abestia duzue hau, EURI TANTA. Oso abesti polita, ikasteko erraza eta aukera bat baino gehiago ematen diguna: Abestu, dantzatu, gure keinu hizkuntzaz ikasi eta musika tresnekin jo ere.