Giovanni Battista Pergolesi, Barroko sasoiko konpositore, biolinjole eta organista italiarra, 1710eko urtarrilaren 4ean jaio zan, eta 1736ko martxoaren 16an hil zan, hogeita sei urtegaz.

Napoleseko gorte inguruan eman ebazan bere bizitzako urte gehienak, aristokraten zerbitzuan.

Opera italiarren konpositore moduan ospe handia lortu eban, Italian eta atzerrian ere, Napoleseko eskolan eragin handikoa izanik.

Pergolesiren obrarik arrakastatsuena “La serva padrona” da, 45 minutu irauten dauan atal biko opera bufa.

Kontzertuak, sonatak eta musika sakroa ere idatzi eban, “Stabat Mater” ezegunena izanik.

Julian Gayarre, tenore nafarra, Ronkalen jaio zan 1844ko urtarrilaren 9an, eta Madrilen hil zan 1890eko urtarrilaren 2an.

Hamahiru urtegaz, oinarrizko ikasketak maitu ondoren, artzain bezala hasi zan lanean.

Hamabostegaz, bere aitak Iruñako denda batera saltzaile moduan bialdu eban. Denda aurretik banda musika bat pasa zanean, Julianek bere postua utzi eta bandaren atzean joan zan. Lanetik kanpora bota eben eta Ronkalera itzuli zan barriro.

Hamazortzi urtegaz Iruñara joan zan barriro, errementari moduan.

Bere laneko kide batek, Julian lanean abesten entzun ondoren, Orfeón Pamplonés-era sartzeko animatu eban, eta orduko zuzendariak, Joaquín Maya, lehen tenorralez onartu eban.

Hilarión Eslavagaz solfeoa ikasi eban, eta honen bitartez Madrilgo kontserbatoriora heldu zan, bakerio moduan, 1868an kantuko bigarren saria irabaziaz.

Nafarroako foru aldundiko beka bategaz Milanera joan zan, eta sekulako arrakasta lortu eban, bere ibildea hortik aurrera goruntz joalarik.

1976ko urtarrilaren 2an benetako ospea lortu eban, Milaneko La Scala antzokian, Donizettiren La Favorita opera abestu ondoren.

Erroman, Bolonian, Moskun, Vienan, Londresen, Buenos Airesen, Austrian, Alemanian, eta hainbat tokitan abestu eban, ama handia eskuratuz.

Berrogeita sei urtegaz hil zan, laringeko minbizi baten ondorioz. XIX. amaierako tenorerik onenetarikotzat hartzen da. 1902an Gayarre antzokia inauguratu zan Iruñean.

Pau Casals, XX. mendeko musikari espainiar gailenetarikoa, Vendrellen (Tarragona) jaio zan 1876ko abenduaren 29an, eta Puerto Rikon hil zan 1973ko urriaren 22an.

Garai guztietako bilontxelistarik onenetarikotzat hartzen da.

Orkestra zuzendari aparta eta konpositore bikaina, osotasun handiko artista dogu.

Bakea, demokrazia, askatasuna eta giza eskubideen defendatzaile amorratua izan zalako  ONUko Bakearen Domina lortu eban eta Bakearen Nobelerako izendatua izan zan.

Bere ibildean hainbat sari eta hainbat erakundeen esker onak irabazi ebazan.