Keith Emerson, pianojole, teklista eta konpositore ingelesa, Lancashiren jaio zan 1944ko azaroaren 2an.

The Nice taldean hasi zan jotzen eta geroago Emerson, Lake & Palmer taldeko kidea bihurtu zan.

Haurtzaroan, Europako musika klasikoan oinarrituta, pianoa jotzen ikasi eban.

Emersonen estiloa musika klasikoa, jazz eta rockaren konbinazio bat da, konpositore klasikoen egiturak (laudunak) rock-an arruntak ez diran metrikakaz nahastuz (5/4, 10/8).

Lake & Palmer-egaz eginiko lehenengo bost grabaketak rock progresiboaren klasikotzat hartzen dira, Tarkus-en 5/4 neurrian eginiko ostinatoa nabarmenduz, non Emersonek pianoa eta Hammond (organoa) ezkerreko eskuagaz bikoizten dauz, testura berezia lortuz.

Emerson, Rock-eko instrumentista onenetarikoalez hartzen da.

Philippe de Vitry Parisen jaio zan 1291ko urriaren 31ean, eta Meaux-en hil zan 1361eko ekainaren 9an.

Erdi aroko konpositore eta olerkari ospetsua zan, bereziki, ARS NOVA izeneko tratatu musikala idatzi zuelako.

Hainbat abesti eta motete konposatu ebazan.

Bere bizitzako datu biografikoak ez dira oso ezagunak baina aipatzekoa da gudaria baita diplomatikoa eta apezpikua ere izan zala.

Maria Anna Mozart, musikari austriarra,  Salzburgon jaio zan 1751ko uztailaren 30ean, eta Salzburgon hil zan 1829ko urriaren 29an.

Wolfgan Amadeus Mozart musikari ospetsuaren arreba nagusia izan zan.

Zazpi urtegaz, eta bere aita Leopoldogaz, teklatuzko instrumentuak jotzen hasi zan, bere birtuosismoa erakutsiz.

Txikitan, bere anaiagaz batera hainbat ekitaldi eskeini ebazan herri ugarietan, klabea eta pianoa joz. Baina 1769. urtetik aurrera, eta sasoiko ohiturak dirala eta, amagaz etxean gelditu zan.

Nahiz eta gure sasoira Maria Annan koposiziorik heldu ez, musika idazten ebala susmatzen da, Wolfganek idazten eutsozan eskutitzetan adierazten danez.