O prometido é débeda… así que aquí nos tedes para informarvos das próximas actuacións de Musicreques previstas para o mes de outubro. O espectáculo de “Iván e o lobo gris” será o principal protagonista das nosas representacións, mais tamén “O Quebranoces” para bebés volverá a facer felices aos máis pequerrechiños.
O luns 5 de outubro viaxaremos ata a Biblioteca de Oseiro (Arteixo) para representar “Iván e o lobo gris” dentro do programa “Ler conta moito” da Rede de Bibliotecas Públicas Galegas. A hora prevista da actuación é ás18:50.
A BBTTA de Narón organiza unha representación de música e monicreques o día 10 de outubro no auditorio de Narón. Nesta ocasión Musicreques porá en escena o conto de “O Quebranoces para bebés” (ás 18:30), espectáculo pensado para nenos de menos de 3 anos.
O 16 de outubro iremos ata o Concello de Coriscando para levar ata alí a Iván e aos seus amigos. Esperamos que os rapaciños do centro educativo onde imos actuar o pasen fenomenal co noso espectáculo!
O 16 de outubro iremos ata o Concello de Coriscando para levar ata alí a Iván e aos seus amigos. Esperamos que os rapaciños do centro educativo onde imos actuar o pasen fenomenal co noso espectáculo!
Tamén, dentro do programa “Ler conta moito”, Musicreques achegará a Iván, ao lobo gris, ao Rei Otón, á bruxa Baba Yaga e aos demais personaxes do conto musical ata a Biblioteca de Mugardos o día 20 de outubro.
Estamos moi contentas de volver á actividade e, por suposto, gustaríanos moito que nos acompañedes nalgunha destas datas. Esperámosvos!!
