Archivo del Autor: MUSIKEANDO

AI, PEPIÑO, ADIÓS!

Publicado el por

Canción tradicional galega moi cantada en todo tipo de festas, sobre todo nas familiares, que estamos tocando coa frauta.

Seguide tocando ata o final porque o estabades facendo moi ben.

Ai Pepiño, adiós,
ai Pepiño, adiós,
ai Pepiño por Deus non te vaias,
quédate con nós,
quédate con nós,
non te vaias afogar na praia
como nos pasou a nós.





QUE GUAI COS VASOS MUSICAIS!

Publicado el por
Deixovos o vídeo coa canción "Que guai" para cantar e tocar. Como xa falamos na clase, podedes utilizar calquera vaso de plástico ou cartón que teñades na casa. Se non tedes vasos usade unha botella de plástico ou outra cousa que se vos ocurra. O importante é tocar tal e como nos indica o vídeo.

Seguro que soará en Vilalonga unha orquestra peculiar!





ALERTA CORONAVIRUS

Publicado el por

Durante o tempo que non podades asistir a clase colgarei no blog diferentes actividades para que repasedes.

Farei un acceso rápido a vídeos con cancións, xogos de ritmo, partituras, etc, xa que a música vos pode axudar a pasar o tempo e sempre estará ben compartila coa familia.

Botádelle unha ollada ao blog de cando en vez!


O SON DO AR

Publicado el por
Luar na Lubre é un grupo galego que fai música folk. As súas melodías baseanse na música galega e na de inspiración celta.

O grupo naceu no ano 1986 na cidade de A Coruña.

Un dos seus temas máis coñecidos é "O son do ar", tanto é así que o músico británico Mike Oldfield incluiu unha adaptación do tema no seu disco "Voyager" e invitou ao grupo á súa xira mundial o que fixo que o grupo se coñecera internacionalmente.




Tocaremos unha adaptación para a frauta doce.