Archivo de la etiqueta: EFEMERIDE MUSIKALAK

Irailak 21: Leonard Cohen

Publicado el por

Leonard Cohen, abeslari, konpositore, olerkari eta nobelagile kanadiarra, Montrealen jaio zan 1934ko irailaren 21ean.

Kanada eta Quebec-eko Ordenetako kidea da.

2011ko ekainaren 1ean Letratako Asturiasko Printzearen saria lortu dau.

Folk, Folk Rock, Rock eta  Spoken word estiloak lantzen dauz.

Gitarra, pianoa, teklatuak eta sintetizadorea jotzen dauz.

Kantautore moduan oso ezaguna da mundu guztian eta bere abestiak hainbat aldiz bertsionatu dira. Abestien gai nagusiak maitasuna, sexua, erlijioa, gogoaren beheraldia eta musika dira eskuarki.

Bere ahots zakar eta monotonoagatik gehi bere abestien hitzakatik “depresio eta goibeltasunaren musikaria” bezala ezagutzen da.


Irailak 20: Nuno Bettencourt

Publicado el por

Nuno Bettencourt, gitarrajole portugaldarra, 1966ko irailaren 20an jaio zan.

Extreme taldeko kidea izan da eta arrakasta handia lortu eban “More than words”, “Hole hearted” eta “Rest in peace” abestiekaz.

Hard rock, Funk metal, Heavy metal, Glam metal eta Alternative rock estiloak lantzen dauz.

Gitarrajoleaz gain abeslaria da, eta bateria, baxua, teklatuak, pianoa, eta organoa jotzen dauz.

Gitarra jotzerakoan Eddie Van Halen eta Brian May-en eragina igartzen da.

1995. urtean Extreme utzi eban eta bere ibilbidea bakarlari moduan hasi eban.


Irailak 19: Candle in the wind

Publicado el por

“Candle in the wind” abestiaren 100.000 kopi saldu ziran Espainian 1997ko irailaren 19an.

Abesti orijinala 1973. urtean sortu zan, Marilyn Monroe artistaren oroimenez, Elton Johnen musikagaz eta Bernie Taupinen hitzakaz.

1997. urtean Elton Johnek  bertsio barria abestu eban, Galeseko Diana printzesaren hileta- elizkizunean.

Single bezala kaleratu zan, abesti orijinalak baino arrakasta handiagoa lortuz.

Hainbat herrialdetan lehen postura heldu zan eta 37 miloi kopi saldu ziran mundu guztian, inoiz gehien salduriko single-a izanik.


Irailak 18: Francesca Caccini

Publicado el por

Francesca Caccini 1578ko irailaren 18an jaio zan, eta 1640. urtean hil zala uste da.

Barroko hasierako konpositore, abeslari, musika irakaslea eta olerkari italiarra, opera konposatzen lehen emakumea izan zan.

Giulio Caccini konpositore eta abeslariaren alaba zan.

Lehen emanaldia abeslari gisa Frantziako Enrique IV.aren eta Medicisko Mariaren ezkontzan izan zan, 1600. urtean.

Hasieran bere gurasoekaz, neba eta aizpagaz ekitaldiak eskeintzen ebazan, Concerto Caccini taldea osotuz, baina geroago bere aizpa Settimiagaz eta Vittoria Archilei musikari erromatarragaz batu zan, saoi honetan konpositore bezala gehiago arituz.

1625ean La liberazione di Ruggiero dall’isola d’Alcina operagaz arrakasta handia lortu eban.

Operaz gain, lan erlijiosoak, sekularrak, ahots musika eta instrumentala idatzi ebazan.


Irailak 17: Anastacia

Publicado el por

Anastacia Lyn Newkirk, abeslari eta konpositore estatubatuarra, Chicagon jaio zan, 1968ko irailaren 17an.

Bere ibilbidea 2000. urtean hasi zan, Not That Kind diskagaz. 2005ean Pieces of a Dream diska kaleratu eban, 20.000.000 kopia salduz.

Soul, R&B, Soul Rock, Pop eta Sprock (soul, rock eta pop nahastuta) estiloak lantzen dauz eta bere ahotsa soprano dramatikoaren tesituran kokatzen da.

“The Blonde Black” bezala ezagutzen da.

2003an bularreko minbizia dala eta, operatu ostean, tratamendua jarraitu eban.

Gaur egun diska barri bat prestatzen hari da, 2012ko udazkenean kaleratzeko asmoz.