Para dar por rematado o traballo coa melodía "Na gruta do rei da montaña" aquí vos deixo os debuxos dos nenos de 3º.
FIXERON UN GRAN TRABALLO!!!. Clicade na imaxe de Grotus para velos.
Archivo de la etiqueta: AUDICIÓNS
Os nenos de 5 anos quixeron debuxar as aventuras de Peer Gynt dentro da gruta do rei da montaña. Aparecen moitos trolls e os debuxos son chulísimos. A ver se vos gustan!!!
"A mañá" é a peza que abre a Suite nº 1.
Os instrumentos de vento madeira son os protagonistas na exposición do tema. A intensidade vai aumentando no desenrolo da obra, ata alcanzar un forte que quere indicar a saída do sol soando con forza os instrumentos da familia da corda frotada.
Está escrita nun compás ternario e o tempo é allegretto pastorale.
Aquí vos deixo a partitura para que vaiades practicando.
Se queredes unha axudita para ler a partitura clicade na foto.
A obra de Edvard Grieg, "PEER GYNT" está formada por dúas Suites e esta peza é a derradeira da Suite nº 1.
Representa a entrada de Peer na gruta onde vive o rei da montaña rodeado de monstruos e trolls.
Ten dous temas que se van alternando e repetindo nun proceso de accelerando e crescendo ata chegar a un fortissimo piú vivo.
Aquí vos deixo a partitura coa adaptación da melodía para que vaiades practicando. Máis adiante porei a partitura completa con todos os acompañamentos.
Tamén vos deixo un texto para recitar coa música.
Con coidado vou a entrar, vou a entrar, vou a entrar. Esta gruta é perigosa, podo esvarar.
Monstruos, gnomos, duendes, trolls. Duendes, trolls, duendes, trolls. Monstruos, gnomos, duendes, trolls, pronto sairán.
Queredes xogar con Grotus?
Grotus preséntanos un xogo sinxelo, para ir quentando, sobre o vídeo no que vimos á orquestra interpretar "Na gruta do rei da montaña".