Archivo de la etiqueta: AUDICIÓNS

A NENA E O GRILO MÁIS ALÓ

Publicado el por

O martes 3 de decembro os nenos de 1º e 2º asistiredes a un concerto de Magín Blanco, que presenta o seu último disco, “A nena e grilo máis aló”.

A nena e o grilo esmagan sen querer á súa amiga Xertrude, a araña. Buscando un xeito de devolverlle a vida, atópanse cuns artistas ambulantes que os guiarán a través da maxia e da música ao país dos mortos onde a tentarán atopar para traela de volta.

CONSEGUIRANO???

arana-imagen-animada-0137

Aquí vos deixo un pequeno adianto do que veremos no teatro.




CÁRMINA BURANA

Publicado el por

No ano 1803, no monasterio benedictino de Beuern (Alemania), atopouse unha colección de 300 poemas recollidos nun manuscrito da ÉPOCA MEDIEVAL, concretamente da primeira metade do século XIII. 

A maior parte estaban escritos en latín e o resto en alemán.Os autores destes poemas eran monxes escapados dos seus conventos, xograres, estudiantes vagabundos, e neles criticaban os costumes da época e rexeitaban as ensinanzas da igrexa.




Estes poemas medievais formaban a obra titulada "Cármina Burana" que ainda que nos poda parecer que fai alusión a un nome propio dunha muller, non é así, senón que significa "Cancións de Beuern" en latín.

Anos máis tarde o compositor alemán Carl Orff recopilou 25 destes poemas medievais e compuxo a obra "Cármina Burana" que se estrou no ano 1937. É unha das máis coñecidas do século XX e está escrita en latín e alemán.




Na clase imos traballar coa Introdución, titulada "Oh Fortuna", que tamén é a Conclusión da obra.

Aquí vos deixo dúas versións moi interesantes.








Aquí tedes a partitura coa melodía.







SKA DE LA TIERRA

Publicado el por
Seguimos traballando dentro do proxecto "Mares de plástico" e agora tócalle o turno a unha fantástica canción de Bebe.


A cantante Bebe quixo facer un chamamento aos políticos e a toda a poboación, sobre os problemas medioambientais provocados polo ser humano, que están levando á destrucción do planeta e fixoo como ela sabe, CANTANDO.










LA COSTA DEL SILENCIO

Publicado el por
Co proxecto de centro deste curso, "Mares de plástico", trataremos de concienciarnos sobre o grave problema que supón para a vida no planeta o cambio climático, provocado en gran medida polas agresións que o ser humano provoca no seu entorno.

Para introducirnos no tema lembraremos o gran desastre mediambiental que se produciu nas nosas costas no ano 2002 co afundimento do petroleiro Prestige.

A banda española de folk metal, MÄGO DE OZ, compuxo no ano 2003 unha canción chamada "La costa del silencio" na que se fala das causas e consecuencias do afundimento deste barco.





Déixovos o vídeo de Mägo de Oz e a letra da canción.












QUEN ME DERA EN INSUELA

Publicado el por

Seguimos traballando coa obra de Antón Fraguas e co disco de Xoán Curiel, cunha canción con moito ritmo, "Quen me dera en Insuela", lugar onde atopamos a casa natal do escritor.

Quen me dera en Insuela un pedaciño de terra,
para ir botar a iauga e pasearme por ela.
Quen me dera verte sempre algún día cada mes,
unha vez cada semana e un día de cada vez.

Lerelele..

Quen me dera ter a min a gargantiña dun galo,
cantar como un reiseñor, falar como un papagaio.
Quen me dera estar tan alto/a como a estrela do norte
para ver o que se pasa en Pontevedra esta noite.

Lerelele…

Toca, pandeiriño, toca, se non heite de rechar,
que me custaches os cartos, axúdamos a gañar.
O pandeiro toca ben, as ferriñas danlle o son,
as meniñas que o tocan elas de Insuela son.

Quen me dera ser a rula, a ruliña do sertón,
para facer o meu niño dentro do teu corazón.
Quen me dera ser a rula, a ruliña do sertón,
o meu niño xa está feito dentro do teu corazón.

Lerelele…

Preme no reproductor para escoitar a canción.