"Paseo musical en trineo" é unha obra composta por Leopold Mozart, pai do famoso Wolfgang Amadeus Mozart.
Imos acompañar esta obra utilizando as campás afinadas.
Archivo de la etiqueta: musicograma
A Marcha Radetzky é unha composición de Johann Strauss (pai), escrita no ano 1848.
Johann Strauss naceu e morreu en Viena e foi o primeiro dunha dinastía de grandes músicos, xa que os tres fillos que tivo tamén dedicáronse a compoñer música.
A súa obra máis coñecida é a Marcha Radetzky. Esta marcha compúxoa en honor a un militar austríaco chamado Radeztky que gañou varias batallas durante unha revolución.
A Marcha Radetzky é mundialmente famosa porque se interpreta, por parte da Orquestra Filarmónica de Viena, o día 1 de xaneiro de todos os anos no Concerto de Ano Novo.
Mentres soa esta música o director vólvese cara o público e diríxeo para que toque palmas seguindo o pulso da melodía e marcando as diferentes intensidades.
Este concerto celébrase dende o ano 1939 e transmítese por radio e por televisión a todo o mundo.
Os directores invitados a levar a batuta neste concerto son os mellores do mundo.
Imos ver as diferentes partes que ten a Marcha Radetzky.
Escoitade a melodía e prestade moita atención ás distintas partes.
Fixádevos que hai partes que son máis longas que outras.
Escoitade a melodía e prestade moita atención ás distintas partes.
Na viaxe que estamos facendo polo mundo durante este curso, os nenos e nenas de 1º viaxaron a París.
Na clase de música imos tocar "AU CLAIR DE LA LUNE", unha canción de cuna tradicional de Francia.
Tocarémola coas campás afinadas e utilizaremos 3 NOTAS: SI, LA e SOL.
Durante o mes de decembro traballaremos cunha canción coñecida por todos vós, Jingle Bells.
Os pequenos do colexio aprenderán esta canción infantil tradicional e tamén a utilizaremos para facer un divertido xogo no que haberá que buscar as chaves que estarán agachadas na aula de música.
XOGO: Colocarémonos en roda, collidos das mans, e cantaremos a canción mentres a roda xira no sentido contrario ás agullas do reloxo.
Cando rematen as estrofas a profe dirá o nome dun alumno que deberá sair da roda para buscar a chave pola aula. Se a atopa tena que poñer no medio da roda e a próxima vez que rematen as estrofas pode elixir a un compañeiro para que busque outra chave. Se non a atopa será a profe a que diga o nome doutro compañeiro para facer a busca a próxima vez.
O tempo para buscar a chave será o que dure a parte instrumental, que estará representada por este gracioso reloxo.
