Felix Mendelssohn, erromantizismo sasoiko konpositorea, orkestra zuzendaria eta pianojolea, Hamburgon jaio zan 1809 ko otsailaren 3 an, eta Leipzigen hil zan 1847 ko azaroaren 4 ean.

Haur prodijiotzat hartu zan, baina bere gurasoek ez ebien aprobetxatu Felixen trebetasunen abantaila.

Sei urtegaz hasi zan pianoa ikasten, eta bederatzi urtegaz kontzertuak eskeintzen ebazan.

Hamar urtegaz konposatzen hasi zan, eta hamairu urterako hainbat obra idatzita eukazan: piano hirukotea, piano eta bibolinerako sonata, operetak, organorako piezak, kantatak, bederatzi fuga,…

Bere ibilbide musikalan sinfoniak, oratorioak, kontzertuak, oberturak, pianorako eta ganbara orkestrarako musika idatzi ebazan.

J.S. Bach-en musikaren zalea zan, eta publikoen artean, konpositore honen musika berreskuratzea lortu eban.

Erromantizismo musikaleko konpositore arrakastatsuenetarikoa da.