Alfredo Kraus, tenore espainiarra, Las Palmas de Gran Canarian jaio zan 1927ko azaroaren 24an, eta Madrilen hil zan 1999ko irailaren 10ean.

Zarzuela eta opera generoak lantzen ebazan.

XX. mendeko tenore liriko onenetarikotzat hartzen da.

Lau urtegaz pianoa ikasten hasi zan, eta zortzigaz ikastetxeko abesbatzara sartu zan.

1956. urtean El Cairoko Antzoki errealean estreinatu zan, Verdiren “Rigoletto” operan Mantuako dukearen papera interpretatuz, eta Pucciniren “Tosca” operako Mario Cavaradossi papera abestuz.

1991. urtean, Arteetako Asturias printzearen saria irabazi eban, eta bere ibilbide guztian hainbat sari eskuratu ebazan, Espainian eta atzerrian.

Azken urteak abeslari barrien irakasle moduan emon ebazan, eta bizirik zegoela Gran Canariako auditoriumari bere izena jarri eben.