O concerto de Odaiko foi fantástico, sempre conseguen sorprendernos coas súas "invencións".
MUSIKEANDO
O vindeiro 18 de Marzo o 3º ciclo asistiredes a un concerto do grupo de percusión Odaiko. É unha actuación diferente á que vimos o ano pasado e que tanto nos gustou a todos.
O espectáculo que veremos titúlase "Invención" e está ubicado nun contexto histórico que comeza no século XVIII e chega ata a actualidade. Odaiko fai un repaso das grandes invencións do home, empezando polo famoso Bach, creador do que para os musicólogos era o Rock da época, pasando por outras invencións froito de procesos coma a industrialización, a introdución do plástico, e algunha máis cercanas á percusión, como son a aparición da batería, ou moitos outros instrumentos que comezaron froito da casualidade do día a día.
Aquí vos deixo novos vídeos do grupo para ir meténdonos en materia.
Se queredes repasar os vídeos que vimos o ano pasado buscadeos no blog.
Ahhh... e botádelle un vistazo ás normas básicas que debemos cumprir cando asistimos a un concerto !!!
A Feira Medieval chegou ao seu fin e xa estamos de novo na nosa época. Os dous días de volta ao pasado foron fantásticos e o cole estaba precioso.
Dentro de todas as actividades que se fixeron, na aula de música tiñamos dous importantes traballos: poñer un posto de venta de instrumentos feitos con material de refugallo, do que se encargaron os nenos de 1º e 2º, e dar un concerto medieval, que fixeron os de 3º, 4º. 5º e 6º.
As dúas actividades foron un éxito e no concerto ata nos pediron "bises".
Aquí vos deixo un pequeno resumo do traballo que fixemos.
Este ano imos celebrar o Día Escolar pola Paz con MALALA.
QUEN É MALALA?
Malala naceu en Pakistán o 12 de xullo de 1997.
O 9 de outubro de 2012 dous talibáns interromperon o percorrido dun autobús escolar que viaxaba polo valle de Swat en Pakistán e con armas na man subiron ao autobús e preguntaron "Quen é Malala?" A continuación empezaron a disparar contra a xoven e as súas amigas. Malala foi ferida na cabeza e no pescozo e estivo meses hospitalizada.
Os terroristas que lle dispararon pensaron que coas súas balas farían calar para sempre a Malala, que loitaba porque as nenas tiveran dereito á educación, pero non o conseguiron. Fixeron que Malala loitara máis que nunca polo dereito das mulleres a ir á escola.
No ano 2014 concedéronlle o PREMIO NOBEL DA PAZ.
Clica na imaxe de Malala para ter máis información.
O compositor mexicano Arturo Márquez compuxo no ano 2013 unha obra para coro e orquestra dedicada a Malala.
"Xogo de tronos" é unha famosa serie con moitos seguidores en todo o mundo.
Ata os Simpson se atreven con esta obra.
A obra está ambientada nun mundo imaxinario onde sete reinos e varias familias loitan por ocupar o trono de ferro. Este mundo imaxinario poderiamos situalo nunha época parecida á medieval e ao igual que coa novela "O señor dos aneis" imos adentrarnos neste máxico mundo coas nosas mellores galas medievais.
Aquí vos deixo varios vídeos e a partitura coa melodía que imos traballar no 2º trimestre. Xa sabedes que todavía seguimos atrapados no medievo!!!
Ata os Simpson se atreven con esta obra.